Pavlodar oblysynda dala órti úsh aýdannyń jerine jaıyldy
2022 jylǵy 3 shilde 02:55

Pavlodar oblysynda dala órti úsh aýdannyń jerine jaıyldy

NUR-SULTAN. QazAqparat - Pavlodar oblysynda dala órti úsh aýdannyń jerine jaıyldy. Órttiń jalpy aýmaǵy 70 gektardy qurady, dep habarlaıdy @Pavlodarnews.kz tilshisi.

Oblystyq TJ departamentiniń málimdeýinshe, 1 shilde kúni saǵat 15:40-ta Bezvodnoe aýylynyń mańynda dala órt shyqqany týraly habarlama kelip tústi. Órt Sharbaqty jáne Aqqýly aýdanynyń shekarasyn kesip ótti.

Órt sóndirýshiler úsh oshaqta qurǵaq shóp janyp jatqanyn anyqtady. Pavlodar aýdanynyń aýmaǵynda órt kólemi 30 gektardy, Aqqýly aýdanyndaǵy kólemi 20 gektardy jáne Sharbaqty aýdanynda 20 gektardy qurady.

- Órt, sonymen qatar, salmaǵy alty tonnaǵa jýyq úsh tirkemedegi jańa shabylǵan shópti sharpydy. Órt 21:10-da oqshaýlanyp, 21:58-de joıyldy, - dedi departamentte.

Oqıǵa ornyna órt sóndirý qyzmetiniń 7 birligi men 41 qyzmetkeri shyqty. Sonymen qatar, órtti joıýǵa jergilikti atqarýshy organdar, aýyldyq órt sóndirý bólimsheleri, ormanshylar qatysty.
Uqsas jańalyqtar
Seriktester jańalyqtary

Jańalyqtar

Úrdis

MURAǴAT