Ózbekstan Konstıtýtsııasynyń Qaraqalpaqstanǵa qatysty baptary ózgermeıtin boldy
2022 jylǵy 2 shilde 23:55

Ózbekstan Konstıtýtsııasynyń Qaraqalpaqstanǵa qatysty baptary ózgermeıtin boldy

NÓKІS. QazAqparat – Ózbekstan prezıdenti Shavkat Mırzıeev el konstıtýtsııasyna Qaraqalpaqstan egemendigin joıýǵa qatysty ózgeristerdi keri qaıtardy. Prezıdent baspasóz qyzmetiniń Telegram arnasyndaǵy habarǵa qaraǵanda, memleket basshysy Qaraqalpaqstanda zııaly qaýym ókilderimen kezdesýde osyndaı pikir aıtqan, dep habarlaıdy QazAqparat.

Prezıdent búgin Nókis qalasyna baryp, Qaraqalpaqstan Joqarǵy Keńesiniń depýtattary jáne qoǵam belsendilerimen kezdesken. Onyń aıtýynsha, el konstıtýtsııasyna ózgerister engizý týraly zań jobasy áli de halyq talqysynda.

«Erekshe aıtarym, «Ózbekstan Respýblıkasynyń Konstıtýtsııasyna ózgertýler men qosymshalar engizý týraly» Konstıtýtsııalyq zań jobasy jalpyhalyq talqysynan tolyq ótedi. Sodan keıin azamattar bildirgen pikirler negizinde Zań shyǵarý palatasy (Ózbekstan parlamentiniń tómengi palatasy) ony jetildire túsedi», - dedi Shavkat Mırzıeev.

Prezıdent negizgi zańǵa halyqtyń pikirin eskere otyryp ózgeris engiziletinin aıtty.

«Qaraqalpaqstan Respýblıkasynyń ózine tán etnıkalyq, mádenı erekshelikteri, ulttyq ádet-ǵuryptary men qundylyqtary, aıryqsha quqyqtyq mártebesin eskere otyryp, jobadaǵy Qaraqalpaqstan Respýblıkasynyń quqyqtyq mártebesine qatysty normalardy ózgerissiz qaldyrý qajet dep esepteımin. ıAǵnı, Konstıtýtsııanyń 70, 71, 72, 74, 75-baptary ózgertilmeıdi», - dep málimdedi Ózbekstan prezıdenti.

Foto: ÓR Prezıdentiniń baspasóz qyzmeti
Uqsas jańalyqtar
Seriktester jańalyqtary

Jańalyqtar

Úrdis

MURAǴAT